Events

Events

Presentación da Asociación

  • Date:2016-03-18
  • Time:07:30
  • Location:Auditorio de Vilagarcía de Arousa
  • Venue:Presentación da Asociación

O vindeiro venres 18 de marzo as 19:30 horas na sala de conferencias do auditorio de Vilagarcía esperámosvos na presentación da ASOCIACIÓN CULTURAL CURTAS. Queremos que asistades todas as asociacións e agrupacións culturais, os afeccionados ao cinema, á banda deseñada, ao manga, á música, á pintura, á literatura e, como non, todos aqueles que esteades interesados en contribuír á oferta cultural vilagarciá con todo tipo de propostas relacionadas coa cultura popular dunha maneira multidisciplinar, a través da realización de proxeccións regulares, presentacións, charlas, cinefórums, masterclass, cursiños e obradoiros, entre moitas outras actividades máis.

Na presentación tamén contarémosvos os primeiros detalles do CURTAS FILM FEST, evolución do Certame Audiovisual decano de Galicia creado polo Liceo Casino de Vilagarcía en 1973. Este evento terá como principal obxectivo difundir a cultura e a linguaxe audiovisual, así como fomentar a creatividade dos novos talentos emerxentes e axudar na dinamización e promoción turística de Vilagarcía de Arousa a través da cultura e o cinema.

Esperámosvos. Non faltedes. Xuntos faremos realidade unha Vilagarcía efervescente de cultura e actividades lúdicas de todo tipo.

Comeza a conta atrás. Ata o venres!