Concurso de Contos de Fantasía en Galego

E se a Terra Media fose Galicia?

En Curtas levamos dous anos, sen ter en conta os 45 do certame, traballando para  achegar a cultura audiovisual a Vilagarcía. Uns anos nos que fomos aprendendo e tratando de mellorar, sempre sen ánimo de lucro, tan só por amor á cultura popular en todas as súas acepcións. Por iso queremos dar un paso máis, tal e como fixemos coa banda deseñada, engadindo a literatura as nosas actividades.

Como o Curtas Fest 2018 estará adicado á Fantasía en xeral, e ao cautivador mundo creado por J.R.R. Tolkien para ‘O Señor dos Aneis’ e ‘O Hobbit’ en particular, poñemos en marcha un concurso de contos de fantasía en galego que, ademáis de rendir homenaxe ao autor británico, trasladará a Galicia a súa mitoloxía e criaturas. Porque a Terra Media ben podería ser o noso máxico país.

Os contos deberán ser inéditos, escritos en galego, e ambientados en Galicia, valorandose a inclusión da Comarca do Salnés e de Vilagarcía de Arousa, así como a utilización da mitoloxía e as criaturas creadas por Tolkien. Presentaranse en formato .DOC por correo electrónico a contos@curtas.org. A extensión máxima será de 5.000 palabras e a mínima de 2.000 palabras, cun tamaño de letra 12, e sen interliñado especial. O prazo para presentar os contos rematará o 30 de Abril de 2018.

O xurado

Jorge del Oro Aragunde

(Vilagarcía de Arousa, 1975). Marchou a Santiago de Compostela para cursar estudios de Bioloxía molecular e toda unha serie de cuestións relacionadas coa mesma. No eido artístico adicase principalmente á literatura e a ilustración, debuxos a tinta na sua maioría. Así mesmo, realizou traballos do máis variopinto; organización de eventos culturais, construcción de atrezzo e reparación de instrumentos musicais, entre outros. Con respecto á escritura, o seu xénero favorito é a Ciencia Ficción, ainda que realiza incursións noutros territorios literarios. Ademáis de pequenas colaboracións en antoloxías de relato corto e prensa, publicou a la primeira entrega da sua novela ’Nana para Dormir a un lobo’ e a recopilación de contos cortos ’Fresas para Kalíope’.

Xosé Duncan

(Taragoña – Rianxo) achegouse por vez primeira ao mundo da escrita pola xanela que lle ofreceu o proxecto Contos Estraños. Aí colaborou con numerosos relatos desde 2012 até 2015 e publicou a triloxía de fantasía épica ‘As Crónicas de Bran’. Tamén se achegou ao xénero de terror coa novela curta ‘Hostal Norte’ e á distopía coa crítica social e política na futurista cidade de ‘Negruña’. Quedou finalista en 2016 na segunda edición do certame de Literatura Fantástica Antón Risco coa obra ‘Os soños da Deusa Nai e do Deus Tolo’. Na actualidade alterna o traballo como informático, coa creación de máis literatura fantástica e a coordinación da revista ‘Contos Estraños’. No vindeiro ano publicará con Galaxia ‘As lembranzas perdidas no lago Antelväri’.

Josué Ramos

(Ferrol, 1987). As súas obras móvense entre o steampunk, o ecoloxismo e a distopía. Como autor de relato, participou en varios números da revista ‘Contos Estraños’. Tamén publicou en español e inglés en antoloxías como ‘The Best of Spanish Steampunk’ (Nevsky), ‘Steampunk Writers Around the World’ (Luna Press Publishing) ou ‘Stardust for Bowie’ (Tinta Púrpura); e en revistas como TerBi, miNatura, Vision ou SuperSonic. Entre as súas novelas podemos atopar a space opera steampunk Lendaria (Dlorean, 2013) e a novela ecoloxista Páramos lejanos (Kelonia, 2015). Tamen exerceu de coordinador en títulos como ‘Chikara. El poder de la Naturaleza’ ou a serie steampunk de catro volúmenes ‘Ácronos’. Colabora activamente na organización de eventos e festivais relacionados.

Bases do Concurso

1. Poderá concursar, de forma totalmente gratuita, calquera persoa residente en Galicia, sexa ou non membro numerario da asociación, coa excepción dos membros do xurado así coma dos encargados da xestión dos relatos. Tan só se poderá presentar un conto por autor.

2. A participación neste concurso supón a plena aceptación destas bases. O incumprimiento de ditas bases conleva a descalificación do mesmo.

3. A listaxe dos contos inscritos publicarase na páxina web de Curtas (www.curtas.org)

4. Os 10 contos seleccionados editaranse nun volumen recopilatorio, sempre sen ánimo de lucro, e acompañados do nome do autor.

5. A presentación do libro terá lugar durante a 46 edición do Curtas Fest que se celebrará en Vilagarcía de Arousa do 22 ao 28 de outubro de 2018.  Os autores dos contos seleccionados recibirán dez exemplares do libro. Ademáis escolleránse tres autores que serán convidados a participar na vindeira convocatoria da revista Contos Estraños

6. O Xurado estará composto polos escritores Jorge del Oro, Xosé Duncan e Josué Ramos.

7. Os gañadores daranse a coñecer o día 17de maio, Día das Letras Galegas, na web da asociación, así como a través das redes sociais da mesma. Informaráse aos participantes a través do enderezo electrónico facilitado na inscripción.

8. O prazo de entrega de contos finalizará o día 30 de Abril de 2018.

9. Os contos enviaránse ao enderezo-e contos@curtas.org.

10. Os contos que nos cumplan as condicións indicadas serán excluidos do concurso.

Contacta connosco!