Do 3 de outubro ao 16 de novembro poderás disfrutar de Santipérez: Unha vida debuxando pesadelos. Unha exposición que repasa a obra dun dos ilustradores de terror máis espectaculares e que consegue impregnar ás súas obras cunha atmosfera lúgubre e fantástica. Plasmando en imaxes desde os arquetipos do terror ata os oníricos mundos de Lovecraft. Ademáis Santipérez será un dos convidados de Curtas Festival do Imaxinario 2025.

Santiago Pérez Domínguez, nacido en Madrid, 1970 comezou publicando as súas primeiras historietas nos anos 90 na revista Creepy, tras gañar o concurso da editorial. Ten catro álbums editados: Various Horror Visions (Diábolo Edicións, 2013), Diablo House (Norma Editorial, 2019), El taxidermista e otras historias macabras (Isla de Nabumbu, 2021) e Un puñado de historias de terror (Diábolo Edicións, 2023). Todos eles recompilan historias breves con temáticas relacionadas co mundo fantástico e o terror. É colaborador habitual da revista Cthulhu (Diábolo Edicións), onde publica desde 2011. Tamén se encargou das portadas de varios proxectos editoriais.

Colabora puntualmente coa editorial estadounidense IDW Publishing. Con esta publicou, durante 2017 e 2018, a serie orixinal de Diablo House (con guións de Ted Adams), que despois editaría en España, xa en único volume recompilatorio, Norma Editorial. Con IDW tamén realizou as portadas da revista Road of the Dead.

A súa fidelidade ao terror levoulle a participar en festivais como Cardoterror, o Festival de Cómic das Palmas e a Semana de Cinema Fantástico e de Terror de Donostia. Para esta última debuxou o cartel oficial de 2024, dedicado a Álex de la Iglesia. Máis aló do cómic, Santipérez traballa con editoriais como RBA (revista National Geographic Historia), é debuxante de storyboards para publicidade e colabora en proxectos de animación.

Curtas Festival do Imaxinario conta co apoio institucional do Concello de Vilagarcía de Arousa, a Deputación de Pontevedra e a Xunta de Galicia. E co patrocinio de De Angeles Films, Gadis e Rei Zentolo.