MÁIS ALÓ DA PANTALLA
Exposicións, Obradoiros e Outras Actividades

En Curtas Festival do Imaxinario, a experiencia non termina cando se acenden as luces da sala. Convertemos Vilagarcía de Arousa nun punto de encontro para creadores e fans. As nosas actividades paralelas e eventos son o complemento perfecto para gozar entre sesión e sesión.

EXPOSICIÓNS

Cada ano, transformamos os nosos espazos en galerías de arte de primeiro nivel. As exposicións do Curtas Festival do Imaxinario son famosas pola calidade e exclusividade do seu material.

• O que vas ver: Desde orixinais de grandes mestres do cómic e a ilustración internacional ata mostras de props e obxectos usados na rodaxe de películas míticas do xénero. Un percorrido visual pola historia da cultura pop.
• O dato: Moitas destas pezas son inéditas ou de cando en cando saen de coleccións privadas. Outras son de produción propia. Cada exposición é un mundo en se mesma. Pero seguro que non as gozaches antes en Galicia.

Bótalle unha ollada ás exposicións que fixemos durante estes anos.

ENCONTROS E CLASES MAXISTRAIS

Rompemos a barreira entre o artista e o público. Traemos a directores, actores, debuxantes e escritores para que nos conten os seus segredos, non desde un pedestal, senón nun ambiente próximo.

• O que vas vivir: Charlas coloquio (Q&A), mesas redondas sobre o estado do xénero fantástico, presentacións de libros e masterclasses nas que aprenderás todo o que sempre quixeches saber sobre o xénero.
• Sesións de Sinaturas: A oportunidade perfecta para levarche o teu cómic, póster ou película asinada polos seus creadores.

OBRADOIROS E WORKSHOPS

Os Obradoiros e Workshops son o espazo dedicado á formación práctica e intensiva, onde profesionais do sector audiovisual e creativo comparten os seus segredos e técnicas nun ambiente próximo.

• O que atoparás: Clases maxistrais de guion e dirección de curtametraxes de xénero, talleres de caracterización e maquillaxe de efectos especiais (FX), e cursos intensivos de ilustración fantástica e concept art. É o punto de encontro ideal para pasar de ser un espectador a un creador, adquirindo ferramentas reais da man de expertos da industria.

PROXECCIÓNS MUSICADAS E CONCERTOS

En Curtas Festival do Imaxinario, a imaxe e o son fusiónanse no escenario, ofrecendo unha experiencia sinestésica que vai máis aló da butaca.

• O que atoparás: Actuacións únicas onde bandas sonoras míticas (do terror, a fantasía ou a ciencia ficción) son interpretadas en vivo por orquestras ou grupos especializados. Nalgunhas ocasións mentres se proxecta a película. É a oportunidade perfecta para experimentar un clásico cinematográfico coa intensidade dunha performance en vivo e vibrar ao ritmo da música.

VEHÍCULOS FANTÁSTICOS

O escenario onde os vehículos máis lendarios do cinema traspasan a pantalla para aparcar xusto diante de ti.

• O que atoparás: Réplicas a tamaño real dos automóbiles que marcaron a cultura pop, desde máquinas do tempo como unha seda ata patrullas cazafantasmas. É a parada obrigatoria para levarche a foto de perfil definitiva e sentirche, por un momento, o protagonista da túa saga favorita.

SAMAÍN ARREPIANTE

A celebración oficial de Halloween de Curtas Festival do Imaxinario, un evento onde as tradicións galegas e o terror cinematográfico fusiónanse para dar vida a unha experiencia inmersiva única.

O que atoparás:

• Experiencia Cinematográfica Gourmet: Unha proposta temática inmersiva coa proxección dun clásico do xénero, maridando o cinema cunha selecta experiencia gourmet e animación en sala.
• Eventos de Rúa: Animación e espectáculos que enchen de misterio Vilagarcía, incluíndo concursos de disfraces (individuais e grupais).
• Obradoiros e Tradición: Actividades de caracterización FX, baleirado de cabazas e outros eventos lúdicos para todas as idades.

É a cita imprescindible para vivir a auténtica orixe do Halloween cun toque de maxia e cinema.

ARTIST ALLEY E FEIRA DE OBXECTOS CURIOSOS

O Artist Alley (Canellón dos Artistas) é o espazo onde o talento emerxente e consolidado mostra o seu traballo.

• O que atoparás: Ilustradores vendendo prints, fanzines e arte orixinal, xunto a postos de artesanía temática, merchandising exclusivo e librerías especializadas. É o lugar ideal para atopar ese agasallo único que non está en Amazon.

A Feira de Obxectos Curiosos é o enclave onde o coleccionismo, a nostalxia e o insólito danse a man para ofrecer unha experiencia de compra diferente.

• O que atoparás: Desde figuras de acción vintage e rarezas de videoclub, ata xoiería fantástica e pezas de artesanía. É o recuncho perfecto para atopar ese tesouro oculto que levarche a casa.

SALA DE XOGOS

A fantasía tamén se xoga e por iso habilitamos un espazo dedicado ao lecer interactivo.

• O que vas xogar: Unha selección de videoxogos (retro e actuais), demostracións de realidade virtual e unha ampla ludoteca de xogos de mesa e rol para gozar con amigos ou en familia.

EVENTOS NA RÚA

En ocasións, a maxia do cinema salta ao escenario para sorprender ao espectador.

• Performances: Desfiles, cosplay e eventos en vivo que enchen as rúas de Vilagarcía de cor e personaxes doutro mundo.