PKDO

PECADO é unha película sobre unha muller que se libera dunha relación abusiva, impulsada polo seu instinto de supervivencia. Un anaco dunha vida. Un só día. Un impulso. Unha decisión que desvía para sempre a súa traxectoria. Un drama que se converte nunha historia de terror atmosférico, con tinguiduras tragicómicas que ironizan a lixeireza coa que se trata a violencia contra a muller. Máis aló da realidade, aquí a ficción permitiranos o pracer de crear un mundo que subverte o patrón aceptable para a sociedade cun final sorprendente. Pecado é unha película independente, realizada en modo guerrilla, sen financiamento público, impulsada pola paixón de moitas persoas por facer cinema.