Andrea Villa (Ourense, 1990). Licenciada en Xornalismo, Master en Xestión de Industrias
Culturais, produtora e xestora de redes sociais.

Ten desenvolto gran parte da súa carreira profesional dende os equipos de comunicación de
eventos e proxectos de diversa índole como a Academia Galega do Audiovisual, a produtora
Portocabo, o Festival de Cans, Novos Cinemas, (S8) Mostra de Cinema Periférico,
Curtocircuíto, Festival de Cine Internacional de Ourense -audiovisuais-, Revenidas, Vive
Nigrán e SonRías Baixas -musicais-, Conecta Fiction, Salón do Libro Infantil e Xuvenil de
Pontevedra ou ICC Week -eventos sectoriais, mercados e tecnolóxicos-.

Ademais de participar na estratexia dixital de gran parte dos anteriormente citados, ten
traballado tamén como responsable de redes sociais do festival de contidos dixitais Carballo
Interplay, no LAIC (Laboratorio Audiovisual de Innovación e Creación) do programa Coruña
Dixital ou como ou como produtora transmedia e deseño de RRSS da serie dixital Antes de
perder , (Cósmica Producións e Playz, RTVE).

Andrea pasa os días explorando entre os contidos dixitais, o audiovisual e a música, pero en
realidade o que máis lle gusta é ter flores sempre na casa, fabricar GIFS, que lle cociñen e as
tartas (todas).