PREGUNTAS FRECUENTES

Non exclusivamente. Aínda que o nome Curtas Festival do Imaxinario rende homenaxe ás súas orixes centradas na curtametraxe, hoxe en día é un certame multidisciplinar de carácter internacional. O festival evolucionou para incluír na súa Sección Oficial longametraxes, series de televisión e unha potente programación de cómic, ilustración e literatura. O termo “Curtas” mantense como marca de identidade, pero o evento abrangue todas as formas de narrativa do xénero fantástico.

O festival ten lugar anualmente en Vilagarcía de Arousa (Pontevedra, Galicia). As datas específicas da edición anúncianse oficialmente na nosa web e redes sociais, concentrando a maior parte da súa actividade durante a última semana de outubro e a primeira de novembro, coincidindo coa máxica atmosfera de Halloween.

Si, Curtas Festival do Imaxinario é un evento multidisciplinar. Ademais das proxeccións, o programa inclúe charlas maxistrais con invitados internacionais, presentacións de libros, exposicións de arte, sesións de firmas de cómics e obradoiros técnicos. O obxectivo é ofrecer unha experiencia completa en torno á cultura do “Imaxinario”. Podes consultar máis información aquí.

O festival caracterízase pola súa vocación pública e cultural. A maioría das proxeccións da Sección Oficial e os ciclos paralelos son de acceso gratuíto ata completar o aforo nas sedes principais (como o Salón García ou Auditorio). Para proxeccións, eventos especiais, inauguración e clausura, recoméndase reservar a invitación a través da APP do festival.

Fiel ao seu carácter internacional, Curtas Festival do Imaxinario aposta pola Versión Orixinal Subtitulada (VOS). As obras en idiomas estranxeiros contan con subtítulos en castelán ou galego. No caso de PequeCurtas, priorízanse contidos dobrados ou sen diálogos para facilitar a comprensión dos máis pequenos.

Para as charlas maxistrais e mesas redondas, o acceso adoita ser libre ata completar o aforo. Porén, para as sesións de firmas con invitados internacionais destacados (cómic e cine), o festival pode establecer un sistema de quendas ou repartición de tickets previos o mesmo día do evento para garantir unha organización fluída. 

A programación detallada, incluíndo horarios de proxeccións, localizacións das exposicións e listaxe de invitados, publícase en formato dixital na web oficial curtas.org semanas antes do inicio e na APP do Festival. Tamén se distribúe un programa de man físico nos puntos de información turística de Vilagarcía e sedes do festival.

O Artist Alley é un espazo dedicado á promoción de ilustradores, debuxantes de cómic e artistas visuais especializados no xénero fantástico. Celébrase no marco do festival e permite aos creadores expoñer e vender a súa obra directamente ao público. A selección de artistas realízase baixo convocatoria previa analizando a calidade e adecuación ao lore do festival.

Contamos cunha sección específica chamada PequeCurtas, deseñada para o público infantil e familiar. Nela ofrécese unha selección de cine fantástico e de animación adaptada para fomentar a imaxinación dos máis novos nunha contorna segura e creativa. Ademais, recomendámosche consultar a programación xa que se adoitan incluír varias actividades paralelas para os máis novos.

Contamos cun xurado profesional que outorga galardóns en diversas categorías, destacando o Premio á Mellor Longametraxe, Mellor Curtametraxe e o Premio Méliès á Mellor Curtametraxe Europea na Sección Oficial Fantástico. Tamén existe un Premio do Público, onde os asistentes votan as súas obras favoritas tras cada sesión, reflectindo o espírito participativo do certamen. Podes ver a lista completa de premios aquí.

A inscrición de obras para as seccións competitivas realízase exclusivamente a través de plataformas profesionais como Festhome ou FilmFreeway. Buscamos pezas de xénero fantástico, terror e ciencia ficción. É fundamental revisar as bases de participación actualizadas para cumprir cos requisitos de duración e formatos de entrega.

Os xornalistas, críticos de cine e profesionais do sector poden solicitar unha acreditación oficial a través dun formulario específico na nosa web. A acreditación dá acceso prioritario a proxeccións con reserva de butaca, rodas de prensa e materiais de comunicación exclusivos.

Si, o festival organiza obradoiros especializados en áreas como efectos especiais, guion, ilustración ou maquillaxe. Algunhas destas actividades requiren inscrición previa e poden ter prazas limitadas. A información publícase xunto co avance da programación.

O festival abre anualmente un programa de voluntariado cultural. Buscamos persoas apaixonadas polo cine e a xestión de eventos que desexen colaborar en áreas como atención ao público, asistencia a invitados, comunicación ou loxística. As convocatorias adoitan publicarse a finais de agosto.

Si. As bases non establecen un límite de obras por autor, polo que podes presentar varios guións sempre que cada un se envíe de forma independente a través da plataforma Festhome, no apartado específico de Curtas Mutantes. Cada guión debe cumprir individualmente cos requisitos de xénero (fantástico ou terror) e duración (máximo 5 minutos).

Si, é posible a coautoría. O requisito indispensable é que os participantes ostenten os dereitos de autoría da obra presentada. No caso de resultar gañadores, o programa de titorización profesional con figuras como Alberto Marini ou Miguel Ángel Vivas aplicarase ao equipo responsable do proxecto.

A rodaxe levarase a cabo en Vilagarcía de Arousa durante o verán de 2026. De feito, é un requisito indispensable que a historia se desenvolva nun máximo de dúas localizacións e que, polo menos unha delas, sexa un sitio recoñecible de Vilagarcía de Arousa.

O proxecto gañador recibe un paquete integral de produción que inclúe un máximo de dúas xornadas de rodaxe con medios técnicos, un Director de Fotografía e equipo de son profesional proporcionado pola organización. Ademais, conta cun programa de titorización en guión, dirección, postprodución e distribución, xunto coa realización do cartel oficial e un pase anual premium en Festhome para a distribución da curtametraxe.

Vilagarcía está excelentemente comunicada. Pódese chegar facilmente en tren de alta velocidade (AVE/Alvia) desde Madrid ou cidades como Santiago de Compostela e Vigo. Para quen voa, os aeroportos máis próximos son o de Santiago (Rosalía de Castro) e Vigo (Peinador), ambos a uns 45-50 minutos por estrada. Podes consultar máis información aquí.

Si, as sedes principais, como o Auditorio Municipal ou o Salón García, contan con accesos e espazos reservados para persoas con mobilidade reducida. O equipo de voluntariado estará dispoñible en cada sede para prestar asistencia se é necesario. Podes atopar máis información aquí.

O festival desenvólvese no corazón de Vilagarcía de Arousa, o que permite aos asistentes gozar da ampla oferta gastronómica local entre sesións. Ademais, o festival adoita colaborar con establecementos locais que funcionan como puntos de encontro para fans e profesionais. Consulta a lista de locais colaboradores no punto de información do Festival.

Durante o festival habilítase un punto onde se poden obter carteis de edicións actuais e pasadas, camisetas, catálogos e outros obxectos de coleccionismo relacionados co festival.

Si, cada ano edítase un catálogo detallado que recolle as obras a concurso, as biografías dos invitados e artigos especializados sobre os ciclos temáticos. Son pezas de colección para os amantes do xénero. Ademais podes conseguilo en PDF a través da nosa web. Tamén se publican libros de relatos, a miúdo relacionados con concursos de escritura e ilustración.

Aínda que é un espazo de venda, moitos profesionais e artistas invitados están abertos a revisar traballos ou intercambiar impresións. É unha oportunidade excelente para o networking profesional. Aínda que te recomendamos que botes un ollo ás actividades profesionais do Festival.

Permítese o uso de cámaras nas charlas, exposicións, actividades paralelas, firmas e no Artist Alley, sempre respectando o traballo dos artistas. Está terminantemente prohibido gravar ou fotografar as proxeccións de películas.