Desde 1973, Curtas Festival do Imaxinario é moito máis que un evento; é o corazón palpitante do cinema fantástico e de terror en Galicia. Somos o festival máis lonxevo da rexión e unha cita ineludible para os amantes do xénero.

Os nosos recoñecementos? Falan por si sós: Dread Central, a autoridade mundial en terror con millóns de lectores, honrounos como un dos 90 mellores festivais de xénero da Terra. Ademais, o Concello de Vilagarcía de Arousa declarounos oficialmente evento de interese turístico. Somos membros da Méliès International Federation of Film Festivals (MIFF), entregando o premio Méliès d’Argent á mellor curtametraxe fantástica europeo. E recibimos a EFFE Label (Europe for Festivals, Festivals for Europe) 2026-2027, o distintivo de calidade europeo que premia aos festivais artísticos máis destacados do continente outorgado pola European Festivals Association (EFA) co apoio da Comisión Europea.

Somos Curtas Festival do Imaxinario, o Festival Internacional de Cinema Fantástico de Galicia, o lugar onde a imaxinación non coñece límites.

Cada ano, Vilagarcía de Arousa convértese na capital do extraordinario, ofrecendo unha selección inigualable de longametraxes e curtametraxes que desafían os límites da fantasía, o terror e a ciencia ficción. Pero Curtas é moito máis que proxeccións: é unha experiencia completa cunha vibrante selección de exposicións, encontros con creadores, presentacións exclusivas, talleres interactivos e concertos que che mergullarán por completo no mundo da imaxinación.

Descobre a maxia, o misterio e a emoción que só o Festival do Imaxinario Curtas pode ofrecerche!